Өмірбаян

Жұманов М. Ә., 1966 жылы туған, қазақ. Білімі жоғары, 2002 жылдан бастап техника ғылымдарының кандидаты, диссертациясын ҚазҰТУ жанындағы диссертациялық мамандандырылған кеңесте 05.05.06- "тау-кен машиналары" мамандығы бойынша қорғады. 2006 жылы Қазақстан Республикасы Білім және ғылым министрлігінің Білім және ғылым саласындағы қадағалау және аттестаттау комитетінің шешімімен "Көлік, тау-кен және құрылыс машиналарын жасау"мамандығы бойынша доцент атағы берілді. 1987 жылы Қазан химия-технологиялық институтына түсіп, 1992 жылы Жезқазған тау-кен технологиялық институты инженерлік-механикалық факультетінің "Автомобильдер және автомобиль шаруашылығы" мамандығы бойынша бітірді. 1992 жылдан 2007 жылға дейін академик Ө. А. Байқоңыров атындағы Жезқазған университетінің "Тау-кен машиналары мен жабдықтары" кафедрасында ассистент, оқытушы, доцент болып жұмыс істеді. 2007-2008 жылдары Ө. А. Байқоңыров атындағы Жезқазған университетінің "Көлік және технологиялық машиналар" кафедрасының меңгерушісі. 2008-2017 жылдары Қ. И. Сәтбаев атындағы ҚазҰТУ "Көтеру тасымалдау машиналары және гидравлика" кафедрасының доценті болып жұмыс істеді. 2017-2018 ж.ж. Алматы энергетика және байланыс университетінің "Өнеркәсіптік жылуэнергетика" кафедрасының доценті. 2018 жылдан қазіргі уақытқа дейін әл-Фараби атындағы ҚазҰУ "Жылуфизика және техникалық физика" кафедрасының доценті. Педагогикалық қызмет барысында 90-нан астам ғылыми және оқу-әдістемелік еңбектері бар, оның ішінде 4 ҚР инновациялық патенті және 3 оқу құралы.